Аб удзеле ў святкаванні Дня памяці воінаў-інтэрнацыяналістаў
16.02.2026 г.15 лютага 2026 г. у Душанбе Часовы павераны ў справах Рэспублікі Беларусь у Рэспубліцы Таджыкістан М.Калодкін выступіў на памятным мерапрыемстве, прымеркаваным да Дня памяці воінаў-інтэрнацыяналістаў.
Ва ўрачыстым мітынгу прынялі таксама ўдзел кіраўнікі Савета ветэранаў Таджыкістана, ветэраны афганскай вайны, прадстаўнікі Пасольства Расійскай Федэрацыі, а таксама Рускага дома ў Душанбэ.
У заключнай частцы мерапрыемства адбылося ўскладанне кветак да помніка А.Міраненку – ураджэнцу Таджыкістана, які загінуў пры выкананні воінскага абавязку ў Афганістане.
