Аб сустрэчы з першым намеснікам старшыні Маджлісі намаяндагон Маджлісі Олі Рэспублікі Таджыкістан
29.08.2025 г.Стан і перспектывы развіцця беларуска-таджыкскага міжпарламенцкага супрацоўніцтва абмеркаваны Надзвычайным і Паўнамоцным Паслом Рэспублікі Беларусь у Рэспубліцы Таджыкістан В.Дзянісенка з першым намеснікам старшыні Маджлісі намаяндагон Маджлісі Олі Рэспублікі Таджыкістан Ш.Шахіёнам. Сустрэча адбылася 28 жніўня 2025 г. з ініцыятывы беларускага боку.
Ш.Шахіён з'яўляецца кіраўніком Групы дружбы і супрацоўніцтва Маджлісі намаяндагон Маджлісі Олі Рэспублікі Таджыкістан з Палатай прадстаўнікоў Нацыянальнага сходу Рэспублікі Беларусь. У сувязі з гэтым таджыкскі прадстаўнік пацвердзіў зацікаўленасць дэпутацкага корпуса Таджыкістана ва ўсебаковым нарошчванні ўзаемадзеяння з беларускімі парламентарыямі.
У сваю чаргу, В.Дзянісенка праінфармаваў Ш.Шахіёна аб стане спраў у сферы двухбаковых кантактаў, акцэнтаваўшы ўвагу на пазітыўнай дынаміцы палітычнага, гандлёва-эканамічнага і культурнага супрацоўніцтва. Акрамя таго, Пасол Беларусі і першы намеснік старшыні Маджлісі намаяндагон Маджлісі Олі ўзгаднілі падыходы да арганізацыі бліжэйшых па часе сумесных мерапрыемстваў, уключаючы правядзенне чарговага пасяджэння групы дружбы ў Рэспубліцы Беларусь.
Бакі пагадзіліся, што развіццё міжпарламенцкага ўзаемадзеяння адпавядае інтарэсам нашых дзяржаў і неабходна для захавання высокага ўзроўню стратэгічнага партнёрства.
