Надзвычайны і Паўнамоцны Пасол Рэспублікі Беларусь у Рэспубліцы Таджыкістан

Дзенісенка Віктар Аляксандравіч

Нарадзіўся 3 студзеня 1961 г. у в. Красноўка Нараўлянскага раёна Гомельскай вобласці.

Адукацыя вышэйшая: скончыў Беларускі дзяржаўны інстытут фізічнай культуры, Інстытут паліталогіі і сацыяльнага кіравання і Беларускі дзяржаўны ўніверсітэт.

На дыпламатычнай службе з 1999 года. Мае вялікі досвед працы ў сістэме Міністэрства замежных спраў Рэспублікі Беларусь.

2010-2017 гг. Надзвычайны і Паўнамоцны Пасол Рэспублікі Беларусь у Кыргызскай Рэспубліцы;

2017 – 2018 гг. начальнік упраўлення двухбаковых адносін з краінамі СНД Міністэрства замежных спраў Рэспублікі Беларусь;

2018 – 2021 гг. намеснік начальніка галоўнага ўпраўлення – начальнік упраўлення краін Садружнасці Незалежных Дзяржаў галоўнага ўпраўлення Расіі, краін СНД і еўразійскай інтэграцыі Міністэрства замежных спраў Рэспублікі Беларусь;

з 21 верасня 2021 г. у адпаведнасці з Указам Прэзідэнта Рэспублікі Беларусь ад 20 верасня 2021 г. № 354 прызначаны Надзвычайным і Паўнамоцным Паслом Рэспублікі Беларусь у Рэспубліцы Таджыкістан.

Узнагароджаны:
Медаль «За працоўныя заслугі»;
Ганаровая грамата Міністэрства замежных спраў Рэспублікі Беларусь;
Падзяка Прэм'ер-міністра Рэспублікі Беларусь;

Мае ранг Надзвычайнага і Паўнамоцнага Пасла.

Валодае нямецкай мовай.

Жанаты, мае дваіх дзяцей.