Аб сустрэчы Пасла Беларусі са Старшынёй Маджлісі намаяндагон Маджлісі Олі Рэспублікі Таджыкістан
05.07.2025 г.
3 ліпеня 2025 г. Надзвычайны і Паўнамоцны Пасол Рэспублікі Беларусь у Рэспубліцы Таджыкістан В.Дзянісенка правёў сустрэчу са Старшынёй Маджлісі намаяндагон Маджлісі Олі Рэспублікі Таджыкістан Ідызода Ф.Ф.
Пасол Беларусі яшчэ раз павіншаваў Ідызода Ф.Ф. з абраннем на высокую пасаду і выказаў упэўненасць у тым, што канструктыўнае міжпарламенцкае ўзаемадзеянне Беларусі і Таджыкістана будзе і ў далейшым паступальна пашырацца на карысць народаў нашых краін.
Акрамя таго, беларускі дыпламат праінфармаваў Старшыню Маджлісі намаяндагон Маджлісі Олі Рэспублікі Таджыкістан аб асноўных выніках двухбаковага супрацоўніцтва ў 2025 годзе з акцэнтам на палітычнае, гандлёва-эканамічнае і культурна-гуманітарнае ўзаемадзеянне. Падкрэслена выключная важнасць узгодненай і эфектыўнай работы груп дружбы, сфарміраваных парламентамі дзвюх краін, у справе паглыблення ўсёабдымных кантактаў паміж Беларуссю і Таджыкістанам.
В.Дзянісенка і Ідызода Ф.Ф. абмяняліся таксама думкамі адносна магчымых напрамкаў пашырэння беларуска-таджыкскага супрацоўніцтва як у двухбаковым фармаце, так і на міжнародных пляцоўках. Пацверджана гатоўнасць да падтрымкі нацыянальных ініцыятыў і праектаў на глабальнай і рэгіянальнай арэне.
На заканчэнне сустрэчы бакі дамовіліся прадоўжыць канструктыўнае ўзаемадзеянне па лініі Пасольства Рэспублікі Беларусь і Маджлісі намаяндагон Маджлісі Олі Рэспублікі Таджыкістан.
