Аб удзеле Пасла Беларусі ў Таджыкістане ў міжнароднай выставе
16.04.2025 г.15 красавіка 2025 г. Надзвычайны і Паўнамоцны Пасол Рэспублікі Беларусь у Рэспубліцы Таджыкістан В.Дзянісенка прыняў удзел ва ўрачыстай цырымоніі адкрыцця «Другога міжнароднага фестывалю- выставы ўніверсітэтаў замежных краін Таджыкістан-2025».
На цырымоніі прысутнічалі намеснік Прэм'ер-міністра Рэспублікі Таджыкістан Д.Мансуры, Міністр адукацыі і навукі Рэспублікі Таджыкістан Р.Хамро, а таксама прадстаўнікі дыпламатычнага корпуса і прадстаўнікі міжнародных вышэйшых навучальных устаноў. В.Дзянісенка выступіў з прывітальнай прамовай, павіншаваў удзельнікаў з адкрыццём выставы і коратка праінфармаваў аб атрыманні адукацыі ў Беларусі.
Сярод шматлікіх удзельнікаў фестывалю-выставы прадстаўлены універсітэты з Расіі, Кітая, Казахстана, Узбекістана, Турцыі, ЗША, Вялікабрытаніі і іншых краін. Беларусь прадставілі Беларускі дзяржаўны ўніверсітэт і Беларускі нацыянальны тэхнічны ўніверсітэт.
