Беларусь — Афганістан

Дыпламатычныя   адносіны   паміж  Рэспублікай  Беларусь  і  Ісламскай  Рэспублікай  Афганістан  устаноўлены
15 чэрвеня 1999 г.

Рабочыя сустрэчы прэзідэнтаў Беларусі і Афганістана праходзілі ў ліпені 2015 года ў рамках пасяджэнняў ШАС і БРІКС у г.Уфе (Расія), а таксама «на палях» саміту ШАС у чэрвені 2019 года у г.Бішкеку (Кыргызстан). Прэзідэнт Беларусі правёў рабочую сустрэчу з кіраўніком выканаўчай улады Афганістана А.Абдулой у красавіку 2016 года падчас саміту АІС у г. Стамбуле.

У жніўні 2017 года Беларусь з афіцыйным візітам наведаў кіраўнік выканаўчай улады Афганістана А.Абдула.

У кастрычніку 2018 г. «на палях» пасяджэння Савета кіраўнікоў урадаў ШАС, які прайшоў у г.Душанбэ, адбылася сустрэча Прэм'ер-міністра Беларусі Румаса С.М. з кіраўніком выканаўчай улады Афганістана А.Абдулой.

У красавіку 2019 года у рамках візіту беларускай дэлегацыі ў г.Кабул адбыліся сустрэчы Міністра прамысловасці Беларусі Уцюпіна П.В. з кіраўніком выканаўчай улады Афганістана А.Абдулой, Міністрам прамысловасці і гандлю Афганістана А.Ахмадзі, Міністрам сельскай гаспадаркі Афганістана Насірам А. Дуррани, а таксама кіраўніцтвам афганскіх гандлёва-прамысловых палат.

У 2018 годзе тавараабарот Беларусі і Афганістана склаў 38,7 млн. долараў, экспарт – 38,4 млн.долараў.

Па выніках 2019 года тавараабарот Беларусі і Афганістана склаў 114,7 млн. долараў,
у тым ліку беларускі экспарт – 114,6 млн.долараў.

Асноўнымі артыкуламі экспарту ў Афганістан з'яўляюцца нафтапрадукты, трактары і седлавыя цягачы, прадукты харчавання, часткі і прыналежнасці для аўтамабіляў і трактароў.

З Афганістана ў Беларусь імпартуюцца, галоўным чынам, гародніна і садавіна свежая або сушаная.

У кастрычніку 2019 г. у г.Душанбэ прайшоў трохбаковы бізнес-форум «Таджыкістан – Беларусь – Афганістан» з удзелам прадстаўнікоў гандлёва-прамысловых палат і прадстаўнікоў бізнесу трох краін.