Неабходныя дакументы

Уезд і выезд у Беларусь, а таксама транзітны праезд па тэрыторыі краіны магчымы толькі пры наяўнасці сапраўднага пашпарта (любога іншага адпаведнага дакумента, прызначанага для выезду за мяжу), а таксама візы.

Атрымаць уязную беларускую візу можна, звярнуўшыся ў любы з дыпламатычных прадстаўніцтваў і консульскіх устаноў Беларусі (пры звароце за мяжой) , а таксама ў галоўнае консульскае ўпраўленне МЗС Беларусі (знаходзіцца ў Мінску).
У выпадку адсутнасці беларускай амбасады або консульства на тэрыторыі замежнай дзяржавы грамадзяне гэтай краіны маюць магчымасць аформіць уязную візу па прыбыцці ў Нацыянальным аэрапорце «Менск-2».

Іншыя замежнікі, якія прыбываюць у Беларусь, абавязаны звяртацца за атрыманнем візы ў дыпламатычныя прадстаўніцтвы. Выключэнні тычацца замежных грамадзян, якія прыязджаюць у Беларусь у складзе афіцыйных дэлегацый па запрашэннях дзяржаўных органаў, а таксама ў сувязі з цяжкім захворваннем або смерцю блізкага сваяка або члена сям'і (пры прад'яўленні афіцыйных дакументаў, якія пацвярджаюць наяўнасць такіх абставін).

ЎЯЗНЫЯ ВІЗЫ

Беларускія ўязныя візы бываюць наступных тыпаў:

ТРАНЗІТНАЯ ВІЗА (ТЫП B)

Транзітная віза прызначана для транзітнага праезду праз тэрыторыю Беларусі. Яна выдаецца на тэрмін не больш аднаго года і дзейнічае на працягу двух сутак з дня ўезду на тэрыторыю Беларусі. Выезд па візе дадзенага тыпу павінен быць здзейснены з краіны не пазней за два дні пасля ўезду. Падрабязней — у раздзеле «Візы / Бязвізавы ўезд»

КАРОТКАТЭРМІНОВАЯ ВІЗА (ТЫП C)

Кароткатэрміновая віза з'яўляецца асноўным тыпам візы, якія выдаюцца замежным грамадзянам, і прызначана для вучобы, дзелавой паездкі, турызму, прыватнага візіту і іншых мэтаў. Тэрмін дзеяння візы дадзенага тыпу абмяжоўваецца 90 днямі. Падрабязней — у раздзеле «Візы / Бязвізавы ўезд»

ДОЎГАТЭРМІНОВАЯ ВІЗА (ТЫП D)

Доўгатэрміновая віза выдаецца толькі ў тым выпадку, калі агульны тэрмін знаходжання замежніка ў Беларусі прадугледжвае больш за 90 дзён (Тэрмін дзеяння візы абмяжоўваецца адным годам), і прызначана для падтрымання дзелавых кантактаў, удзелу ў спартыўных/культурных мерапрыемствах, ажыццяўлення журналісцкай дзейнасці і іншых мэтаў. Падрабязней — у раздзеле «Візы / Бязвізавы ўезд»

Візы, у залежнасці ад колькасці дазволеных ўездаў па ім, падзяляюцца на:

• аднаразовыя (іх уладальнікі маюць права на аднакратны ўезд, знаходжанне і выезд з Беларусі у перыяд паказанага ва ўязной візе тэрміна і на працягу паказанай колькасці дзён знаходжання, але не больш за 90 сутак);
• двухразовыя (даюць права на двухразовы ўезд, знаходжанне і выезд з Беларусі у перыяд паказанага ва ўязной візе тэрміна і на працягу паказанай колькасці дзён знаходжання, але не больш за 90 сутак)
• шматразовыя (дазваляюць неаднаразовы (больш двух разоў) ўезд, знаходжанне і выезд з Беларусі у перыяд паказанага ва ўязной візе тэрміна і на працягу паказанай колькасці дзён знаходжання, але не больш за 90 сутак у год).

ДАКУМЕНТЫ, НЕАБХОДНЫЯ ДЛЯ АФАРМЛЕННЯ ХАДАЙНІЦТВЫ

Тэрмін разгляду дакументаў на атрыманне ўязной візы абмежаваны пяццю працоўнымі днямі (з моманту падачы поўнага камплекта дакументаў). У выпадку тэрміновага разгляду рашэнне аб выдачы / адмове ва ўязной візе можа быць прынята на працягу двух працоўных дзён (48 гадзін).

Орган, які выдае візу, мае права не паказваць прычыну адмовы ў выдачы візы. Рашэнне аб выдачы ўязной візы з'яўляецца канчатковым і перагляду не падлягае.

Падрабязней — у раздзеле «Візы / Бязвізавы ўезд»

КОНСУЛЬСКІ ЗБОР

Аплата консульскага збору прымаецца толькі безнаяўным спосабам з дапамогай выкарыстання карт электронных плацяжоў, банкаўскага пераводу на рахунак пасольства( консульства), чэкавай кніжкі і іншых магчымасцяў, якія агаворваюцца кожным канкрэтным дыпламатычным прадстаўніцтвам Беларусі за мяжой.

Памер консульскага збору. Падрабязней — у раздзеле «Візы / Бязвізавы ўезд»

КОНСУЛЬСКАЯ ПАДТРЫМКА

Па пытаннях афармлення віз, грамадзянства і іншых консульскіх пытаннях можна звяртацца ў аўтаматызаваную інфармацыйна-даведачную службу галоўнага консульскага ўпраўлення МЗС Беларусі, якая даступная ў кругласутачным рэжыме па наступных тэлефонах:

+375 17 222 26 75

+375 17 222 31 52

+375 17 222 31 59